namfullordinna.is

Markmið aðferðarinnar :

Markmið aðferðarinnar er að fá viðbrögð frá nemendum/þátttakendum á námskeiði.

Tilgangur:

Aðferðin er góð til að meta líðan fólks á námskeiði, hvernig því gengur og gefur þátttakendum tækifæri til að láta í ljós líðan sína.

Lýsing:

Í lok kennslustundar tekur þú frá cirka 10 mínútur. Þú biður þátttakendur, einn í einu, að segja þér og hinum á námskeiðinu, í mjög stuttu máli (ein til tvær setningar), hvernig þeir upplifðu kennslustundina. Ef  þú ert með hóp sem á erfitt með að tjá sig vegna einhverra ástæðna getur verið nóg að biðja fólk að segja einungis eitt orð – t.d. hvernig því líður. Biddu hvern og einn um að vera stuttorður.

Við hvaða hluta námskeiðs er aðferðin gagnleg:

Í lok kennslustundar eða námskeiðs.

Hvers vegna aðferðin nýtist til að ná tilskyldum árangri og hvaða áhrifa má reikna með að aðferðin hafi fyrir einstakling/hópa:

Aðferðin nýtist sem góð leið fyrir nemendur að ígrunda það sem þeir eru búnir að læra og gagnast einnig sem gagnleg leið fyrir kennara að meta nám nemenda sinn.

Athugasemdir:

Ekki greina eða túlka það sem fólk segir. Hér á kennarinn/leiðbeinandinn einungis að hlusta og segir ekkert, mesta lagi brosir og kinnkar kolli.

Aðferð: „Blossinn“

Flokkur: 4. Flokkur spurnaraðferðar skv. flokkunarkerfi Ingvars Sigurgeirsson

Tilgangur við kennslu: Allt neðangreint getur  átt við þegar aðferðin er notað

• Úrvinnsla námsefnis
• Upprifjun og minnisþjálfun
• Heimfæra að þekktum aðstæðum og laga að raunaðstæðum
• Kanna þekkingu – meta nám
• Enda námskeið

Heimildir:

Hróbjartur Árnason.(2001). „Blossinn“- aðferð til að fá viðbrögð frá nemendum.Efni frá kennara á námskeiðinu Skipulagning og framkvæmd fræðslu með fullorðnum V 2016.