Hvernig get ég komið námsefni á vefinn fyrir nemendur mína?
Hróbjartur Árnason, Háskóla Íslands. Verkstæði á ráðstefnunni: Ráðstefna um notkun upplýsingatækni í fullorðinsfræðslu 2013.
Á verkstæðinu kynnast þátttakendur ólíkum leiðum til að miðla námsefni og stuðla að samvinnu nemenda sinna í kring um námsefnið. Þátttakendur læra að koma náms- og kennsluefni, svo sem: textum, myndum, glærukynningum og myndböndum, fyrir á stöðum þar sem nemendur þeirra geta nálgast það. Og þeir kynnast aðferðum til að koma þessu efni snyrtilega fyrir á vefjum skóla eða bloggkerfa.
Kennarar vilja gjarnan koma efni á framfæri við nemendur sína um vefinn, t.d. til notkunar fyrir kennslustundir, í kennslustundum eða á eftir. Hvort sem það er til að kynna nýjar hugmyndir fyrir þeim áður en þau mæta í kennslustundir, til að dýpka eitthvað sem var farið yfir í skólanum, gefa þeim aðgang að ítarefni, eða þegar þeir vilja miðla efni til fjarnemenda.
Vandi sem þeir glíma oft fyrir er að:
- finna og velja staði þar sem þeir geta vistað þetta efni á hátt sem gerir það aðgengilegt fyrir öll þau ólíku tæki sem nemendur nota til að sækja efnið: Borðtölvur, fartölvur, sjónvörp, spjaldtölvur eða símar…
- Sömuleiðis þarf stundum að velta fyrir sér á hvaða skrárformi er gagnlegast að vista og miðla efninu.
- En þegar efnið er komið á vefinn getur þurft að bæta því inn í texta eins og þennan. Hvernig getur maður látið myndir, myndbönd eða glærukynningar birtast inni í skýringatexta sem kennari skrifar fyrir nemendur sína?
Tilraunasvæði verkstæðisins er hér
Þessum þremur spurningum munum við svara stuttlega á verkstæðinu og gefst þátttakendum tækifæri til að prófa sig áfram með að leysa fyrir sig hluta þeirra.
- Smelltu hér til að sækja hugarkort yfir innihald verkstæðisins
- Smelltu hér til að skoða nánari útlistun á efni verkstæðisins og leiðbeiningar til að nota eftir verkstæðið
Sjá lista yfir öll verkstæðin á ráðstefnunni